Bru lalet turin FCI in buhfai a pekchhuah theih hun nghak mek.

Tripura Relief Camp a awm Bru-te laklet chhunzawm leh turin Food Corporation of India (FCI)-in Bru lokir te ei tur buhfai a pekchhuah theih hun nghah mek a ni.

Home Department Joint Secretary Pu Lalbiakzama sawi danin tunhnaia Mizoram a\anga official kalte’n hemi chungchang hi Union Home Ministry hotute an sawi pui tawh a. Bru ho laklet lehna senso atan sum a awm chungin FCI lamin an ration tur an ruahman fel sak leh a \ul avangin chumi hma chuan laklet hna hi chhunzawm theih a ni lova. FCI hotute hi hriattir nawn leh an ni tawh a; an tihfel nghah mek a nih thu leh chumi tihfel hnuah chuan Bru lakletna tura ruahmanna hi a taka kalpui theih a ni chauh dawn niin a sawi bawk. Pu Lalbiak-zama chuan North Tripura District-a Kanchanpur Sub-Division huamchhunga relief camp 6 a awm Bru ho laklet an nih theihna atan hian Mamit District thuneitute chuan ruahmanna an kalpui chho mek reng tih a sawi bawk.