Mizoram-a Inthlanna thianghlim neihna tura MPF hmalakna ah ECI duhdan en ber a ni.

MPF General Secretary Upa Lalramthanga chuan Mizoram-a inthlan dawna hma an lakna chungchang ah Election Commission of India (ECI) duh dan chu an en ber thu a sawi.

    MPF General Secretary Upa Lalramthanga chuan MPF in inthlan dawna inthlanna dik leh felfai neih a nih theih nana hma an lakna chungchanga thuthar lakhawmtute zawhna chhangin 'Election Commission of India duh dan hi kan base ber a, Joint Platform kan siam \hin ah pawh Commission kalphung leh duhdan nia kan hriat angin kan kalpui \hin a ni,' a ti a, MPF in Political Party te an khuahkhirh lutuk leh an hmalakna an khawpkham lo nia an sawi chungchangah 'Party hrang hrangte nen kan relho anga thilti kan ni a, keimahni lam a\ang chuan engmah khawpkham loh thu an sawi kan hre lo a, kan hriat chinah chuan Party te hian lawmthu min hrilh zawk a ni,' a ti bawk. MPF General Secretary chuan an thawhhona huanga registered loh party leh independent candidate te tel tir ve loh chu Election Commission duhdan zawk nia an hriat thu a sawi bawk. MPF nena thawhhona ah hian Political party 5-Indian National Congress, Mizo National Front, Zoram Nationalist Party, Mizoram People Conference leh Bharatiya Janata Party te an tel a, he thawhhona a tel velo Trinamool Congress (TMC) chuan tel ve an dil a, an dilna hi meeting hmasa berah ngaihtuah an tum nia thudawn a ni.
    MPF duhdan chuan Joint Platform-a tel thei tur chin chu National Party, Aizawl emaw Mizoram chhung emaw-a office nghet nei chin leh Regional Party, Election Commission of India-in a hriatpui, Aizawl emaw Mizoram chhung emaw-a office nghet nei chin an ni a,hetah hian Independent Candidate te an tel ve thei lo a, Joint Chief Electoral Officer H. Laleng-mawia chuan MPF ten an thawhhona huanga independent candidate an tel tir lo chu a \hatna leh thatlohna sawi tur a awm ve ve a ni, a ti a, 'Candidate \henkhat, tlin tum tak tak pawh nilo, ti mai mai an awm \hin a, heng mite hnawl nan hian a \angkai hle a. Hetihlai hian tlin tum tak taka thilti an awm bawk a, chung mite hun \ha siamsak an ni velo erawh a dik tawk lo a ni,' a ti a, MPF hmalak dan chu Election Commission pawhin an hria tih sawiin, 'thiltih dik loh an neih chuan lo hrilh thin rawh u' min ti a ni, a ti bawk.