Latest News

MZP bultumin kawngzawh tum thulh

MZP chuan naktuk, July ni 12-a MZP bultuma zirlaite lungawilohna kawng zawh neih an tum chu sorkarin zirlaite hmakhua ngaia MZP thilphut te tihhlawhtlin sak a tiam avangin leh a \ul ang apianga zirna chungchanga hmalak zel an tum thu an sawi avangin \hulh lailawk a ni tih an sawi.

           Hemi chungchanga nimin a thuchhuah an siam ah MZP Gen. Hqrs. chuan MZP in zirlaite tana sorkar hnena a thil thlen hrang hrang tihhlawhtlin anih loh \hin avanga lungawilohna kawng zawh neih a tum chungchangah hian 9th July, 2013 khan Education Secretary Pu Lalnghinglova IAS kaihhruaina hnuaiah Education kaihhnawih officer hrang hrangte nen Aijal Club-ah meeting neih a nih thu leh hetah hian MZP in zirna chungchanga a thil phut hrang hrangte chu sawiho niin, zirlaite thil phut hrang hrang chu sorkarin tih hlawhtlin anih theih nana theihtawp chhuah an tum thu an tiam avangin \hulh lailawk a ni tih an tarlang a, an thilphut hrang hrangte chu tih hlawhtlin an nih leh nih loh MZP chuan a thlir reng dawn tih an sawi bawk.
    Hei bakah hian MZP chuan Mizoram University hnuaia LDC hnalak diklo awm avanga zirlaiten lungawilohna an lantir chhuanlam a hmanga University exam \hulh a ni chu pawi an tih thu tarlangin, hun rei tak ata University hnalak diklo taka lo kalpui \hin tihtawp anih theih nana zirlaiten hma an lakna ah hian zirlai exam hmachhawn turte chu tihbuai an ni lo tih an tarlang a, a hun takah zirlai exam hmachhawn tur bakah thawktu zawng zawng ten University campus hi an thleng thei vek tih tarlangin, chuti chunga LDC hnalak kalpui mek a thil diklo inphumru thup mawi nana exam thei reng si \hulh luih tir an ni chu vanduaithlak an ti hle tih an tarlang a, tluang taka zirlaiten exam an hmachhawn zel theih chu an duhdan a nih thu tarlangin, Mizoram University mai ni lo, hnalak reng rengah dik taka thil kalpui anih theih nana MZP hmalakna chu thlawp tlat turin Mizo mipui zawng zawngte an sawm tak meuh meuh tih he an thuchhuah ah hian an tarlang bawk.

Comments

Popular News (Last 30 Days)