Serchhip Damdawi In sak mek avanga lei che a hmunah enfiah a ni
District Hospital Serchhip Building sak hna thawh mek-a leimin avanga harsatna awm te chu nimin khan a hmunah enfiahin hmalak zui dan turte pawh sawiho nghal a ni.
Tarlan tawh angin District Hospital Serchhip Building sak that hna thawh mekah hian Block B sak hna chu thawh tan mek niin hemi atana lei laih avangin Hospital building hlui, Trauma Ward hmun thenkhatah chhuat leh bang khi thar a awm tih hriat a ni a. Hei vang hian nimin zing khan Addl. DC, Dorothy Muansangi kaihhruai Joint Inspection Team te chuan helai hmun hi enfiahin leilung awm dan zirna kawnga mi thiam, Prof. Laldinpuia, Centre for Disaster Management, Mizoram University pawh chah a ni bawk a. He hunah hian Prof. Laldinpuia chuan tun dinhmunah helai hmun-a lei che hi hlauhthawnawm lutuk (severe case) a nih loh thu leh mipui tana chi-ai na tur a awm loh thu a sawi a. Counterfort Retaining Wall siam thuai erawh a pawimawh tih sawiin, a siam dan turte uluk taka enzui nghal a ni a; endikna Report hi Deputy Commissioner hnenah thlen leh a ni ang a, chak taka hma lak zui zel tum a ni.
Serchhip Damdawi In Building sak hna hi chak taka thawh a nih theihna turin Contractor te chuan tunah hian bungrua engemaw zat an chhekkhawl tawh a, heng te hi singsak fel a tul nia a lan avangin Iron Rod an lakkhawm tawh te chu Serchhip Ramthlun Veng lama dah tura ruahman niin Balu leh Rora te chu Serchhip P&E Veng-a Leisekawt Mual bul-a zawl-ah chhek-khawl rih tura ruahman a ni a, heng hmun te pawh hi nimin vek khan enfiah nghal a ni bawk.
Tarlan tawh angin District Hospital Serchhip Building sak that hna thawh mekah hian Block B sak hna chu thawh tan mek niin hemi atana lei laih avangin Hospital building hlui, Trauma Ward hmun thenkhatah chhuat leh bang khi thar a awm tih hriat a ni a. Hei vang hian nimin zing khan Addl. DC, Dorothy Muansangi kaihhruai Joint Inspection Team te chuan helai hmun hi enfiahin leilung awm dan zirna kawnga mi thiam, Prof. Laldinpuia, Centre for Disaster Management, Mizoram University pawh chah a ni bawk a. He hunah hian Prof. Laldinpuia chuan tun dinhmunah helai hmun-a lei che hi hlauhthawnawm lutuk (severe case) a nih loh thu leh mipui tana chi-ai na tur a awm loh thu a sawi a. Counterfort Retaining Wall siam thuai erawh a pawimawh tih sawiin, a siam dan turte uluk taka enzui nghal a ni a; endikna Report hi Deputy Commissioner hnenah thlen leh a ni ang a, chak taka hma lak zui zel tum a ni.
Serchhip Damdawi In Building sak hna hi chak taka thawh a nih theihna turin Contractor te chuan tunah hian bungrua engemaw zat an chhekkhawl tawh a, heng te hi singsak fel a tul nia a lan avangin Iron Rod an lakkhawm tawh te chu Serchhip Ramthlun Veng lama dah tura ruahman niin Balu leh Rora te chu Serchhip P&E Veng-a Leisekawt Mual bul-a zawl-ah chhek-khawl rih tura ruahman a ni a, heng hmun te pawh hi nimin vek khan enfiah nghal a ni bawk.

