Serchhip-ah Bawrhsap Paul L. Khuma hovin NCORD thutkhawm neih a ni
He thutkhawm ah hian Bawrhsap, Paul L. Khuma chuan Serchhip District tana hmalakna tur hrang hrang ngaihtuaha thutkhawm an neih thinah sawrkar Department hrang hrang leh tlawmngai pawl te bakah khawtlang hruaitute tha taka an tel thin chu lawmawm a tih thu sawiin, hei hian District hmasawnna turah thawhhona ah rah tha a chhuah zel nia a lan thu a sawi a. Ruihhlo dona kawnga thawktu hrang hrangte pawhin thawhhona tha tak hnuaiah hma an lak ho zel a pawimawh thu a sawi bawk a ni.
Nimin-a thutkhawm ah hian Serchhip SDPO, Lalrinzuali MPS chuan State Level Action Plan to Combat Menace (2026-2029) zulzui-a District Level Action Plan an duan chu Member kalkhawm te hmaah tarlangin, Member kalkhawmte hian uluk takin an thlirho a, siamthat ngai te siamthat a nih hnuah Meeting hian an pawm a ni.
He huna tarlan a nih danin Serchhip District Police te hian NARCO Meeting hnuhnung ber leh tun tuma thutkhawm inkar ah hian Heroin gram 54.28 manin hemi kaihhnawih ah hian mi pathum an man tih tarlan a ni a, Ruihhlo that loh zia inzirtirna tum hnih buatsaih niin Serchhip Sailiamkawn-ah Sentry Post siamna tur hmunhma enfiah niin ram a awm theih dawn thu tarlan a ni bawk.