PWD Serchhip Division in kawng siam nan cheng vbc. 81.83 a hmu
LENKAWL in RTI Dan hmanga a zawhna PWD Serchhip Division-a SPIO in a chhan danin sawrkar kum kal mek 2026-2027 (1st April, 2026 - 31st March, 2027) chhung hian PWD Serchhip Division hnuaiah kawngpui siamthatna tur sum hi SASCI, NABARD, CRIF, Annual Plan (5054) leh Maintenance Operation Plan (3054) atangte in Rs. 81,83,83,000/- hmuh a ni a. Kawngpui siamthatna tura sum hmuh te hi a hmanna turah hman a ni ang tih a chhanna ah hian tarlan a ni bawk.
Tun thlenga kawng siam tawh dinhmun zawhna pawh SPIO chuan chhangin, “Tunah hian Working Season a in tan dawn chiah a, kawng hi siam tan tur hmalak mek a ni,” a ti a. Sawrkar kum kal mekah kawngpui siamthat tura hmachhawp hrang hrangte pawh tarlangin, Construction of Spur road from Serchhip to NH-02 (NH-54 old); Upgradation of Vengchung Connectivity; Improvement of Thentlang to Lungpho road (Buanhmunkawn to Ramrikawn); Upgradation of Artahkawn to Biate road; Improvement & Upgradation of Internal road in Serchhip town; Improvement & Upgradation of District Headquarters (Serchhip); Hauvazawl to Hriangtlang Road; Upgradation of N. Vanlaiphai to S. Chawngtui road leh Various Work for Pavalai khawmpui Pual bakah Maintenance Operational Plan under Serchhip Division (3054) leh Annual Plan under Serchhip Division (5054) te a nih thu a tarlang bawk a ni.