PM Ekta Mall dinhmun thlirho a ni
Ministry of Commerce & Industry hnuaia Department for Promotion of Industry and Internal Trade (DPIIT) Director, Mohammed Isharar Ali chuan Mizoram rawn tlawhin nimin khan Chief Secretary Khili Ram Meena IAS hovin Aizawl Chawnpui Veng-a PM Ekta Mall sak mek dinhmun an thlirho a. PM Ekta Mall Project hi Prime Minister programme a nih angin DPIIT te hian a hun taka zo thei turin nasa takin State tin te an nawr mek a, sawrkar thuchhuah tarlan danin tun dinhmunah State thenkhat, a hmun tur la zawng mek te an awm laiin, Mizoram chu a titha ber zingah tel phak chiah rih lo mah se Ministry lam chu progress an hmuh chinah an lungawi thawkhat a. A hmunhma harsat zia te a hmun ngeia en a nih hnu phei chuan hmalakna awm tawh te tha a hriat a ni a, chak zawka hmalak dan sawiho a ni bawk. Mizoram Tourism Development Authority (MTDA) chuan Chief Secretary in atul ang zela puihna a pek thin avangin lawmthu an sawi a. Theihtawp chhuahin time line –December, 2027-a zo hman turin hma an lak mek thu an tarlang a ni.