Khawpui-a In sak dan tur kaihhruaina bawhchhia mi 27 awm

Aizawl Municipal Corporation (AMC) chuan Aizawl khawpui chhunga AMC Building Regulations, 2012 bawhchhiatna a tawp theih nan hma an la mek a; nikum May thla atanga kumin October thla thleng khan Aizawl khawpuia Insak dan tur kaihhruaina bawhchhia mi 27 hmuhchhuah  a ni.

Akashvani News zawhna chhangin AMC hotute chuan, Study Team on AMC Building Regulations and SD&SM Regulations rawtna Board of Corporators Meeting in a pawm angin AMC huamchhunga AMC Building Regulations, 2012 bawhchhiatna - Phalna nei lo emaw, phal ang ni lova In sak emaw a lo tawp theih nan AMC chuan Local Council leh mipuite thawhpuiah a sawm tih an sawi a; Local Council zawng zawngte chu AMC Building Regulations, 2012 bawhchhia an hriatte chu AMC Commissioner hnenahah kimchang taka hriattir nghal vat tura ngen an ni.

Nikum May thla atanga kumin October thla chhung khan Aizawl khawpuiah AMC Building Regulation, 2012 hnuaia Insak dan tur kaihhruaina bawhchhia mi 13 leh phalna nei loa insa (Illegal construction) mi 14 hmuhchhuah an nih thu AMC hotute chuan an sawi a; AMC Building Regulation, 2012 hi Central leh State sawrkar emaw, NGO leh mimal In sa tur zawng zawngten an zawm a ngai a, hetihrual hian Regulation hian sawrkar laipuia Defence Ministry erawh a huam lo a, a bak zawng chu a huam vek a ni, an ti bawk.