Bawrhsap in ram neitute a kawm

Lawngtlai Bawrhsap Donny Lalruatsanga chuan nimin khan KMMTTP Road-a ram neitu, Lawngtlai District Land Owners' Association leh Central YLA hruaitute a Pisa-ah kawmin an ngenna ngai pawimawha Nov. 3 atanga KMMTTP kawng danpin an tum an thulh te chu lawmawm a tih thu a hrilh a. KMMTTP Kawngpui-a mimal ram nei mi 138 te tan sawrkarin theihtawp a chhuah thu sawiin, MoRTH-ah DPR thehluh tawh niin  hemi chungchangah hian Mizoram Chief Secretary pawhin Prime Minister's Office-ah meeting a nei tawh tih a sawi bawk. He hunah hian ram neitute pawhin an thilphut te chu a rang thei ang bera tih hlawhtlin an duh thu sawiin, Nov. 15 hmaa tih hlawhtlin a nih loh chuan kawngpui dan hi kalpui an tum thu an sawi bawk a ni.