Mizoram Lokayukta-in eirukna awmin hmu lo

Mizoram Lokayukta chuan Finance Department-in October 22, 2025-a hna 41, cheng vbc. 328 vel hu leh April 17, 2025-a hna 76, cheng vbc. 6.29 chuang hu ‘Restricted Tender’ hmanga a pawm chungchanga thubuai chu tun thla ni 1 khan chingfelin a khar ta a. Lokayukta chuan eirukna emaw, diklo taka Contractor duhsakna emaw, thil sual dang awmin a hmu lo a. Amaherawh chu Tender chhan dan tur kawnga dan zawm tur chu zawm a ni lo tih sawiin, a hnu zela chutiang thil a thlen tawh loh nan Department chu fimkhur turin zilhna a pe bawk a. He thubuai hi Vanlalruata Sailo thehluh niin ‘blanket approval’ tia sawi lar chungchanga thubuai a ni.