Project Greenshield hawng

Zonuna Kawlni (LENKAWL) • October 7, 2026 • Comments • Mizoram

Horticulture Department changtu Minister C. Lalsawivunga chuan nimin khan Champhai District Transformation Programme hnuaia kalpui, Project Greenshield chu hawngin he hmalakna hi MGNREGA, MIDH leh RKVY PDMC Scheme-te tangkawpa Champhai District-a kum-tluan-a Tomato tha leh tam zawk tharchhuah a nih theih nana hmalakna a ni a. Hemi puala Champhai Circuit House Conference Hall-a hun hman ah Minister chuan Mizoram sawrkar flagship programme Bana Kaih hnuaia peng (component) panga-na, ‘Decentralised Plan’ hnuaia kalpui mek Mizoram District Transformation Programme kaltlanga Tomato chingtu ten hlawk zawk, quality tha zawk, awlsam zawk leh kumtluana Tomato an thar theihna tura hmalakna hawn a ni chu lawmawm a tih thu a sawi a. He Project atan hian loneitu 10 thlanchhuah niin, Greenhouse pakhat theuh an enkawl tura ruahman a ni.