Nikum September thlaa GST khawn aiin kumin September a khawn a tam zawk

Ramchhunga State hrang hrangte Goods and Services Tax (GST) dinhmun tarlanah Mizoram GST chu nikum 2025 September thla chhunga khawn aiin kumin September-ah za zela 24 in a pung.
Ministry of Finance tarlan danin India ram chhiah khawnna atana July 2017 atangin GST hman anih hnuah rampum huapa GST khawn chu a pun belh zel a, kumin 2025 September thla ah Mizo-ram chuan GST atangin cheng vbc. 17 a hmu a, kum hmasa September thla ah cheng vbc. 14 hmuin nikum September khawn zat a khumna hi za zela 24% a ni tih Union Finance Ministry thuchhuah chuan a tarlang a, hetihlai hian Post Settlement lamah chuan September 2025-ah cheng vbc. 72 crore anih laiin September 2026-ah cheng vbc. 71 a ni tih Finance Ministry thuchhuah chuan a tarlang bawk a ni.

Ministry of Finance tarlan danin ram pumah GST pungin nikum September 2025 thla khawn zat Cheng vbc. 177,365 aia kumin September 2026 thla chhunga GST khawn zat punna chu cheng vbc. 26,156 a ni a, a punna 14.7% a ni tih a tarlang bawk.

India ram chhung atanga chhiah khawn cheng vbc. 124,491 (61.17%) anih laiin ram pawn atanga bungrua leh thil chawkluh atanga chhiah (Gross Import Receipts) zat chu cheng vbc. 52,028 (38.83%) a ni a, kumin September thla chhung hian GST refund cheng vbc. 27,001 a awm laiin a hma August thla ah erawh cheng vbc. 31,795 a ni thung a ni.