Mizoram-ah RTI zawhna 51,047 a lut tawh
Mizoram Information Commission-in Akashvani News Aizawl a hrilh danin heng RTI zawhna lut zat hi Mizoram Information Commission din a nih tan kum, kum 2006 atanga kumin 2026, kum 20 chhung a mi a ni a. RTI zawhna luh tam ber kum chu kum 2025 atanga 2026 inkar niin 10,797 a lut a, RTI zawhna luh tlem ber tum hi kum 2008-2009 kha niin, RTI zawhna 177 chauh a lut a ni.
Mizoram Information Commission chhinchhiah danin, kum 2006 atanga kumin 2026 inkar hian RTI Act hmanga zawhna chhanna a lungawi lohna 169 thlen a ni tawh a. Kum 20 chhunga RTI hmanga thil hriat duh dilna lut 51,047 atang hian First Appellate Authority (FAA) hnena duhkhawp lohna thlen 1,076 awmin FAA chhanna pawha lungawi lo Mizoram Information Commission (MIC)-a zualko mi 324 a awm tawh bawk a ni. RTI hmanga zawhna lut a tam ang bawkin, nikum 2025 leh kumin 2026 chhung hian chhanna an dawn duhkhawp lo pawh a tam ber a, kum 2025- 2026 chhung hian FAA hnena zualko 346 bakah MIC hnena zualko 127 a awm bawk a ni.