MCAB Ltd. hmalakna thlirlet

Zonuna Kawlni (LENKAWL) • October 17, 2026 • Comments • Mizoram

Mizoram Cooperative Apex Bank (MCAB) Ltd. Board of Directors’ Meeting chu nimin khan Aizawl Tuikual-a Head Office-ah neih a ni a, thutkhawm kaihruaitu MCAB Chairman Lalnunsanga chuan Mizoram sawrkar flagship programme Bana Kaih (Handholding Scheme) a 'Most Agile Bank Award’ an dawn chu lawmawm a tih thu sawiin, mipuite tana tangkai lehzuala Bank an inhawn zel a pawimawh thu a sawi bawk. He huna tarlan danin Apex Bank hian Mizoram hmun hrang hrangah Branch 37 leh ATM Booth 45 a enkawl mek a. Tun dinhmunah Deposit cheng vbc. 1907 neiin loan cheng vbc. 1300 a pechhuak mek a, CD Ratio chu 68.22% a ni.

MCAB Ltd. hian Mizoram hmun hrang hranga Multipurpose Primary Agriculture Credit Societies ( MPACS) ding thar te tan Basic Accounting Training a buatsaih a, MPACS 15 atangin mi 27 telin nimin khan khar a ni.