Mamit Bawrhsap in Temporary Shed a vailiam
Mamit Bawrhsap Suvigya S Chandra IAS chuan Mamit khawpui chhunga Hawkers te hman tur Temporary Shed chu nimin khan Mamit-a DUDO Office atangin a vailiam a, UD&PA Department in a vawi khatna atana Street Vendor shed (Hawkers) an buatsaih chu lawmawm a tih thu sawiin, khawpui chhung pawh a tih mawihnai zawk a beisei thu a sawi a, thilzuartute pawhin uluk leh duat tak leh tangkai taka an hman a duh thu a sawi bawk. Temporary Shed (Hawkers) hi Mizoram State Sawrkar flagship programme, Bana Kaih hnuaia District Catalytic Intervention Plan atangin Deputy Commissioner leh Project Director te kaltlangin Rs.16,35,315/- sengin 22 siam a ni a, hei bakah hian UD&PA Directorate atangin DAY-NULM Support to Urban Street Vendors (SUSV) hnuaiah Rs 13,92,000/- sengin Temporary Shed (Street Cendors) 22 siam a ni bawk a. A vaiin Mamit khawpui chhunga hman tur Temporary Shed hi 44 siam a ni.