H&TE Minister hovin Department Review Meeting neih a ni

Higher & Technical Education Department chuan nimin khan Secretariat Conference Hall-ah a tum thumna atan ‘Department Review Meeting’ neiin H&TE Minister Dr. Vanlalthlana chuan a telpui.
He Review Meeting-ah hian H&TE Minister chuan Department hmalakna leh harsatna tawh mekte sawiho a ni thin chu Department-a thawkten an thatpui tlang tih sawiin, Department hnuaia Office leh College hrang hrang ten harsatna an tawh sawi tlan a nih hian Department hawi zawng tur leh hmalak zel dan tur chiang taka a lan thin thu a sawi a. Secretariat, Directorate, Subordinate Office leh College hrang hranga thawkte chu fakin, tunhnaia Department hnuaia hmalakna hlawhtling tak takte chu an thawh rim rah a nih thu a sawi bawk.

He thutkhawm ah hian Department hmalakna ngaihthlak a ni a. Kum 2026 chhungin mi 70 chuan Promotion an hmu tawh a, kum 2025-2026 chhungin Pre-Matric Scholarship dil mi 8,875 atangin 2026-2027 chhungin mi 10,238-ah an pung a; Post-Matric Scholarship-ah 2025-2026 chhungin mi 32,375 atangin 2026-2027 chhungin mi 36,496-ah an pung bawk a ni.