E&F Minister hovin 72nd National Wildlife Week' hmang

Nimin khan Govt. T. Romana College NSS leh Save Environment Association (SENVA) te tangkawp buatsaihin Govt. T. Romana College-ah '72nd National Wildlife Week' hman a ni a, he hun hi Environment & Forest Minister Lalthansanga chuan hmanpuiin Mizoram-ah ramngaw a tam tawk tawh loh tawh thu leh thing leh mau neih that a pawimawh zia uar takin a sawi a. Environment tih hmasawn zel nan mitin ten theihna kan neih ang zawn theuha hma kan lak a pawimawh thu a sawi a. Nungcha humhalhna atan he hun an hman chu a bul tanna chauh a nih thu sawiin, thing leh mau humhalh leh ramngaw siam tura hmalaknate avangin tunah chuan nungchate chu an zalen tan mek tih a sawi bawk. He hun hi SENVA General Hqrs. President K. Biakthianghlima'n a kaihruai a. Govt. T. Romana College Principal Dr. Jenifer Lalbiakdiki hnen atangin inlawmna thuchah ngaihthlak niin mithiam dang ten thu an sawi bawk a ni.