Annual Report of Births & Deaths leh Medical Certification of Causes of Deaths te tlangzarh
Directorate of Economics & Statistics Conference Hall-a hemi puala hun hman ah hian Chief Registrar of Births & Deaths-cum-Commissioner & Secretary chuan Annual Report of Births & Deaths 2025 leh MCCD Report 2025-te hlawhtling taka tlangzarh thei a ni leh ta chu lawmawm a tih thu a sawi a. Report an tlangzarh takte chu mipuite, a bik takin zirbing mite tan a tangkai hle dawn tih sawiin, Mizoram dinhmun dik tak tarlanna a nih anga mipui vantlang pawhin an tangkaipui hle tur thu a sawi a. A buatsaihtute thawhrimna chhuanawm a tih thu sawiin, chhun leh zan pawh sawi lova rim taka report khawr pum tura tha thawhtute inpekna chu a chhuanawm hle tih a sawi a. A zau thei ang bera mipuite hnenah report hlutna te chu inzirtir leh hman tangkai kawnga hte theihtawp chuahpui zui zel turin kalkhawmte chu a sawm nghal bawk a ni.
Economics & Statistics Department Director Dr. Lalrinchhana kaihhruai he hunah hian RK. Lalrinawma, Assistant Director, CRS Branch chuan report tlangzarh takte chungchang a sawizau a. Annual Report of Births & Deaths 2025 bu chu vawi 40 tih chhuahna a nih thu leh kum 2025-a Mizoram chhung a nau piang leh mitthi register zawng zawng zat chuanna a ni tih a sawi a. Medical Certification of Causes of Deaths (MCCD) 2025 report chu vawi 21 an tihchhuahna a nih thu leh, hetah hian Mizoram chhunga Damdawi In bik a mitthi ziahluh zawng zawng zat bakah an thihchhante kimchang taka chhinchhiah a ni tih a sawi bawk a. He hunah hian sawmbik mi pawimawh te an tel a ni.
Medical Certification of Causes of Deaths (MCCD) 2025 Report in a tarlan danin Mizoram-a thih chhan langsar zual zingah, Thawk lama harsatna leh a kaihhnawih natna (Disease of the Respiratory system) chu tamin mitthi zawng zawng atanga chhutin 17.3 % a ni a, Pumpui leh a kaihhnawih natna (Disease of the Digestive System) pawh tamin 15% niin heng te hi Mizoram-a thih chhan langsar zual te an ni.