World Heart Day hmang

Kum 2000 atanga September 29-a hman thin ‘World Heart Day’ chu nimin khan hmun hrang hrangah hman leh a ni a, Aizawl-ah pawh Indian Army 457 Field Hospital leh Rotary Club of Aizawl chuan Govt. Hrangbana College-ah leh Govt. Mizo High School-ah ‘Mission 10,000 CPR & Heart Awareness Initiative’ pualin Lung lam hriselna ngaihpawimawh a tul thu leh Lung lama harsatna neite enkawl dan tur zirtirna an buatsaih a. He zirhona hian a tum ber chu Indian Army 457 Field Hospital te'n chhiatrupna lo thlen thulha First Aid chungchang ah leh nunna chhanhim theihna thiamna lama an tawnhriat leh thiamna ril tak an neih chhawr tangkaia lungphuchawl thut an awm thulha hmalak dan tur zirtir a ni a, rang taka chet lak pawimawh zia bakah huai leh dik taka che chhuak thei a mipui chherchhuah chu a tum a ni.