VB-G RAM G leh Scheme dang te tha zawka thawhho theih dan tur sawiho a ni
Nimin-a Convergence Workshop hi Rural Development & Administrative Department Minister Prof. Lalnilawma chuan telpuiin VB-G RAM G hnuaiah Convergence chu thil ngaih pawimawh berte zinga mi a nih thu leh RD&AD Department chu Department hrang hrangte thawhho pui tura an inhawn reng thu a sawi a. October thla atanga hna thawh dan tur ruahmanna ‘Viksit Gram Panchayat Plan’ siam turah pawh Department hotute chu ruahmanna leh rawtna te thlena, tel (participate) vek turin a sawm bawk a. Thingtlang (Village level) atanga ruahmanna fel tak siam a pawimawh thu sawiin, “Aizawl khawpui chauh kan tih hmasawn a, thingtlang khuate kan hlamchhiah leh si chuan, Viksit Bharat kan thleng thei ngai dawn lo,” a ti a. Hemi atana pawimawh ber chu thawhhona (convergence) tha neih leh thawktute inpekna a nih thu a sawi bawk a. Thawhhona tha lehzual hmangin Mizoram tan hmasawnna nasa tak thlen theih a nih thu a sawi bawk.
He Convergence Workshop-ah hian RD&AD Deputy Secretary Lalvenhima’n VB-G RAM G hnuaia hna thawh theih chi hrangte sawiin, Additional Secretary V. Lalengmawia’n Scheme dangte nena inthlunzawm theih dan a sawi bawk a. Chawhnu lamah sawi hona hun hman leh niin RD&AD Under Secretary Denny Lalchhuanawma’n lawm thu sawiin hun a khar a ni.
VB-G RAM G hnuaiah hian hna thawh theih (permissible work) chi hrang hrang 375 awmin Categoy 4: Water related (128 works), Core Rural Infrastructure (111 works), Livelihood related Infrastracture (98 works) leh Dissaster Preparedness & Extreme Weather Mitigation (38 works)-ah te then hran a ni a. Mipuite tan ni 125 inhlawhna a awm tawh dawn bakah hna chi hrang hrang, Department hrang hrangte’n mahni puala an lo thawh thinte kha VB-G RAM G hnuaiah chuan tangruala, thawhho dan kawng zawn zel a ni dawn a ni.