Thlaphanna tur awm lo ti

Food, Civil Supplies & Consumer Affairs Department chuan buhfai-ah thlaphanna tur a awm lo tih an sawi.
Hemi chungchanga thuchhuah an siamah FCS&CA Department chuan tunhnai ah ruahsur nasa in Rel kawng a tihchhiat avangin Mizoram chhungah bungraw chawkluh khaihlak deuh mah se tun dinhmun ah buhfai chhekkhawl a tam thu an sawi a. September 4, 2026 thleng khan Mizoram-a FCI Godown hrang hrang ah buhfai quintal 1,95,345.10 leh Supply Kudam-ah quintal 1,34,430.93 a awm thu sawiin, “Tun dinhmuna FCS&CA Department-in thla khata ration buhfai a semchhuah thin chu quintal 97000 vel a ni a, tuna stock neih sa hian Thla thum (3 months) mamawh aia tam a daih a ni,” tiin mipuite tan thlaphanna tur a awm loh thu an sawi a ni.

Hetihlai hian Jamira (Assam) leh Bairabi (Mizoram) inkara leimin avanga Rel kawng zawh ngam loh awm mek chu siamthat tumin ngawrh taka hmalak mek a ni bawk.