Mizotaxi app chu tangkai taka hman beisei a nih thu tarlang

Sawrkar chuan thuchhuah siamin Mizoram chhunga Passenger phur chi lirthei chi hrang hrang, Four Wheeler Taxi, Two Wheeler Taxi leh Auto Rickshaw-a chuang thin te'n sawrkar approved rate dik tak an chawi theihna atana duan ‘Mizotaxi app’ chu Aizawl khawpui chhungah hman chhoh mek zel a nih thu leh heng lirthei neitute leh mipuite pawhin tangkai taka an hman beisei a nih thu an tarlang a. Tunah hian Mizotaxi app hnuaiah lirthei 1549 an inziaklut tawh tih tarlangin, “Tun dinhmunah hian Mizotaxi app hnuaia lirthei inziaklute hian mipui mamawh khawp an la phuhruk zo lo deuh a. Hetiang anih avang hian Mizotaxi app hnuaia in register lirthei te chu mipui mamawhna phuhru turin online reng tur leh a tarn thei ang ber tlan turin ngen leh hriattir an ni,” a ti. Mizotaxi app hnuaia lirthei inziaklut an la tlem deuh avangin trip cancel a tam thu leh mipui hriatthiamna an ngen thu pawh rarlangin, “Sawrkar-in permit pek belh lova he Online Cab Booking System hi kalpui a tum hram hram vang a ni tih lo hrethiam turin kan inngen a ni,” an ti a. Mizotaxi app hnuaia inziahluh theih hun chu September 30, 2026 thleng pawhsei a nih thu an tarlang bawk.