Serchhip-ah khauh zawka Ui khuahkhirhna kalpui mek a ni
Serchhip Bawrhsap Paul L. Khuma chuan tunhnai khan Serchhip District-a Village Council te hnenah lehkha tichhaukin Serchhip District in faina leh hriselna kawnga hma kan sawn zel theihna tura hmalakna pakhat atan District Magistrate chuan Ui khuahkhirhna thupek (Prohibitory Order) a chhuah fo thin thu leh khaw thenkhat leh Veng thenkhat ah zawm a hlawh tawk lo nia hriat a nih thu a tarlang a. Hei vang hian khawng zawka hmalakna hmasa atan Serchhip khawpui chhungah Magistrate, Police leh khawtlang hruaitute Team hrang hrangah siamin Serchhip khawpui chhunga Ui khawlaia tla te an vai thin dawn tih tarlangin, District Magistrate thupek zawm lo te chungah District Magistrate in Criminal Complaint a siam thin dawn a ni. Hetianga thupek zawm lo te hi Section 223 of Bharatiya Nyaya Sanhita, 2023 dan hmangin ‘Kumkhat thleng lung In tantir emaw, Rs. 5,000/- thlenga chawitir emaw, a pahnih hmang pawhin hrem theih’ an ni.
Ui khuahkhirhna thupek bawhzui tur hi Team 7 siam niin Team tinah hian Leader tur ruat an nih bakah Police Department leh VC leh YMA aiawhte tel tura ruahman a ni a, Team tin hian VC Area pahnih zel changinthla khat ah vawi hnih (2) zel fehchhuak tur leh an hmalakna te chu District Bawrhsap hnena thehlut tura tih an ni a. Tunah hian Team thenkhat te chu an fehchhuak tan tawh bawk a ni.