Mizoram Food & Allied Industries Corporation (MIFCO) ten Sapthei chi an siam chu enfiah turin nimin khan Thenzawl-a College of Horticulture-ah an hlan a, he hunah hian MIFCO Chairman Lalthazuala Rawite leh College of Horticulture-a thawktute chuan Sapthei leh Lakhuihthei te a chi (seeds) atanga a puitlin hnu leh a rah seng hun thlenga kuthnathawktu ten harsatna an tawh thin dante sawiin, enkawl dan tha zawk leh hlawk zawka an tharchhuah theih dan turte an sawi bawk a, kuthnathawktute nen an chinna hmun ngeia training te pawh neih ho tha an tih thu an sawi a ni. Horticulture College, Thenzawl hi CAU (Central Agriculture University), Imphal hnuaiah awmin India ram State hrang hrang atangin zirlai 110 an awm mek a ni.
