Pradhan Mantri National Apprenticeship Mela nei dawn
PM-NAM hi Skill India Mission hnuaia Ministry of Skill Development & Entrepreneurship bultuma buatsaih thin niin, National Apprenticeship Promotion Scheme (NAPS) hnuaia mi a ni a. A tum ber chu thalai lehkhathiamte chu dawr lian, sumdawnna hmun leh Company hrang hrangte nen thlunzawm a, training pek a, hnathawk thei leh mi hmantlak ni tura chherchhuah a ni a. He Scheme hnuaiah hian dawr/sumdawnna hmun neituten thalai hnathawh tur mamawhte chu an hnuaiah an la thin a, an training senso leh sum mamawh (stipend) te erawh sawrkarin a tum sak thin thung a ni. Thalai hna zawng duh tan NAPS portal (apprenticeshipindia.gov.in)-ah in-register theih a ni a, training zo tawhte chu sawrkar pawmpui (NCVET approved) certificate pek thin an ni.
Serchhip District-a Pradhan Mantri National Apprenticeship Mela (PM-NAM) neih tur chungchang ngaihtuah hian niminpiah khan Serchhip Bawrhsap, Paul L. Khuma kaihhruaiin Serchhip District Skill Committee chu Serchhip DC Meeting Hall-ah an thukhawma, PM-NAM neih tur atana pawimawh hrang hrangte an sawiho bakah mawhphurhna te an sem bawk a ni.