DDK leh School Education te thawkho zui zel dawn

Zonuna Kawlni (LENKAWL) • October 1, 2026 • Comments • Mizoram

Doordarshan Kendra (DDK) Aizawl leh Mizoram Sawrkar-a School Education Department chuan a tum rukna atan nimin khan thawhhohna thuthlung, Memorandum of Agreement (MoA) an ziak.

He Thawhhona thuthlung hi kum khat chhung atana ziah niin DDK Aizawl aiawh in Head of Programme C. Vanlalsiama chuan a hming a ziak a, he inremna hnuaiah hian DDK Aizawl chuan kartin Ningani tlai dar 5:50-ah Education Programme a tichhuak dawn a, hei hi Thawhlehni zan dar 7:00-ah a chhuak nawn leh thin dawb a. He programme hi DD Mizoram YouTube channel lamah dahchhuah thin a ni bawk.

DDK leh Education Department-te thawhhona hnuaia programme siam hi zirlaite’n an chhawr tangkai thin hle nia tarlan a nia, an zirna puitu atan te, an hmalam hun atan te leh an talent haichhuahna atan tangkai takin an hmang thin a, COVID-19 hripui len lai phei kha chuan an chhawr tangkai lehzual nia tarlan a ni bawk.