MNYF in Home Minister phut

MNF thalai chuan Home Minister in a Department chanah thuneihna a la nei a nih ngai chuan Zoram mipuite thlamuanna thuchah nei turin an phut tih an sawi. MNYF Hqrs. hruaitute chuan nimin khan Aizawl Press Club-ah thuthar theh-darhtute kawmin, tunhnaiah Mizoram hmun hrang hrangah ruihhlo a zalenin, tualthahna, rukrukna leh tharum thawhna a thleng zing hle tih sawiin, hei hian ZPM kaihhruai Mizoram Sawrkar chu dan leh thupek kenkawhna kawngah a hlawhchham takzet tih a lantir a, chu chuan Dan pawisak lohna leh Dan palzutna a hring chhuak nasa in, Mizoram chhung ah tharum thawh zawnga pawi khawihna a hluar phah tih an sawi a, Mizo mipuite chu mahni ram chhungah ngei an him ta lo nia sawiin, Mizoram-a tualthahna leh chhiatna a thlen fo laia Zoram mipuite thlamuan tura Home Minister thu leh hla hriat tur a awm lo chu an dem takzet tih an sawi a ni.