Lunglei-ah LMC Board of Councillors thukhawm

Lunglei Municipal Council (LMC) Board of Councillors (BoC) chu nimin khan Lunglei Convention Centre-a BoC Meeting Hall-ah an thukhawm a, Krismas 2026 atana inbuatsaihna tul hrang hrang sawiho in Krismas 2026 lawmna chi khat atan Kawtthler/Veng/Kawn chei intihsiak buatsaih tha an ti a, lawmman atan Pakhatna in Rs. 3,00,000/-, pahnihna in Rs. 2,00,000/- leh pathumna in Rs. 1,00,000/- bakah a titha Veng pathum tan Rs. 30,000/- theuh pek nise an ti a. Krismas Bazar siam tha tiin a tul anga hma laa bawhzui turin Krismas Bazar Task Force Committee an din nghal bawk. Heng bakah hian Lunglei Ni, 2027 chu hman tha tih niin Organising Committee din a ni a. Chairman atan LMC Chairman leh Secretary atan LMC CEO te ruat niin, LMC Executive Councillor-te nen member dangte lo ruat belh tura tih a ni bawk.