Siaha atanga Thenzawl-a Study Tour-a kal zirlai pakhat chu nimin chawhnu khan Thenzawl-a Dilpui-ah chesualin tui-ah a tlahlum. Siaha-a Adventist English Academy School zirlaite hian Study Tour nei turin Thawhtanni khan Thenzawl hi an thleng a, Thenzawl Bazar Branch YMA ten lo mikhualin nimin chawhnu dar 2:00 vel khan khan an zirlaite zinga mi, pawl 9 zirlai Dennis Vanbawih Thawng (16) hi Dilpui a a cheng chu chesualin tui-ah hian a tla a ni. Vanduaina tawk Dennis-a hi minute 15 hnu velah lakchhuah niin a bulhnaia Doctor lo awm ten an buaipui bakah IAH Thenzawl panpui nghal a ni a, chhan hman lohin a boral zui ta a ni. Amah hi raltlan nia hriat a ni a, ruang hi Siaha-ah lak niin Vawiin hian vuiliam a ni ang. Tun tum hi Dilpui-a hetiang chhiatna a thlen tum khatna nia hriat a ni.
