Serchhip-ah Heroin nia hriat gram 100 chuang man
Thudawn danin niminpiah tlai khan Mizoram Police CID (Special Branch), District Special Branch (DSB) Serchhip leh Sub-Hqrs. YMA Anti-Drug Squad te chuan Serchhip Bilzel-a In pakhat ah Heroin ni ngeia hriat hawng hnih (2) an man a, hei hi uluk taka an chhui zui hnuah an In atang hian Hawng 5 man belh lehin hemi an chhui zuina kal zelah nizan hmasa khan Chanmari Veng Nursing School thlang lama thuhruk Hawng hnih (2) chu an man belh leh a, heng Heroin an man hi a vaiin hawng 9 niin gram 107.88 a ni.
Heng ruihhlo neitu nia hriat Lalnunsangi (35), Khawmawi, Myanmar nia insawi leh Lal-hmunmawia @Tutea (31), Serchhip Bilzel nia insawi bakah a lo sem kual saktu nia sawi Benjamin Lalbiakzuala (28), Serchhip P&E Veng nia insawi te chu manin thubuai siam sak nghal an ni a. Nimin khan District Court-ah hruai niin Police in thu zawhfiah atana kawl an la dil angin an kawl zui a, Vawiin hian Court-ah hruai leh an ni ang.