September 3-ah Teachers' Day lawmna neih a ni dawn
Thla thar September 5-a Teachers' Day lo thleng tur hman dan tur ngaihtuah hian nimin khan School Education Minister, Dr. Vanlalthlana hovin MINECO Conference Hall-ah thutkhawm neih a ni a, kumin hian Teachers' Day, September 5 chu Inrinni a nih avangin Mizoram-ah chuan September 3, Ningani-ah hman tura ruahman a ni a, Chief Minister leh Education Minister te chibai bukna chu chanchinbu hrang hrang bakah Department Social Media-ah te tarlan a ni anga, School Education Minister thuchhuah hi School tinah tlangzarh a ni bawk ang. Hei bakah hian National leh State Award dawng tawhte tan an khua leh veng huamchhungah chawimawina hun buatsaihin District-a hman dan tur chu DC hova rel leh tura ruahman a ni bawk.