Health Minister in tlawh

Health Minister Lalrinpuii chuan nimin zing khan Durtlang-a Health Clinic Centre, Selesih-a Anganwadi Centre leh Health Clinic hluihlawn tawh te tlawhin khawtlang hruaitute nen an inkawm a, Health Minister Lalrinpuii chuan sawrkar hna-thawh tawh hrang hrangte sawiin, an hmalakna kawng hrang hrangah hlawhtlinna hmel an hmu chu party mite leh ram mipuite thlawp that vang a nih thu a sawi a. Sawhthing avang ringawt pawhin chhungkaw tam takin kum danga an sum lakluh aia tam an la lut tawh nia sawiin, Damlo te tana Sawrkar hmalakna Mizoram Universal Healthcare Scheme (MUHCS) chu mi tam takin an chhawr tawh tih a sawi bawk a, Mizoram chhungah Day Care Center-te nen Damdawi In 24-in MUHCS hi an zawm tawh thu sawiin, Mizoram pawn State hrang hrang Damdawi In 54 ten zawm tawhin Deemed Empanelled 12 an awm tawh thu te a sawi bawk. Minister hnenah hian thawktu ten an mamaw te an lo thlen nghal a ni.