Final khel turin Khawbel Br. an tlang

LBS Suzuki Avenis 24th Inter Branch YMA Volleyball Tournament 2026 khelh mekah Khawbel Branch chuan Semi Final-ah hnehna changin Final an lut ta a, Final-ah Hunthar Branch an hmachhawn ang.
Aizawl Mualpui Salem Veng R. Dengthuama Hall-a khelh LBS Suzuki Avenis 24th Inter Branch YMA Volleyball Tournament 2026 ah hian nimin khan Semi Final khelh niin Serchhip Sub-Hqrs. YMA atanga tel Khawbel Branch hian Muanna Veng Branch hmachhawnin 3-1 (25-21, 23-25, 25-23, 25-18) in hnehna an chang a, heti hian Semi Final an lut ta a ni. Semi Final inkhel dangah Hunthar Branch chuan 3-2 a Nursery Branch hnehin Final an lut bawk a, naktuk zan dar 8:00-ah Final khelh a ni ang.

Hmeichhe Final-ah Bungkawn Branch leh Dawrpui Vengthar Branch an inhmachhawn dawn a, Bungkawn Branch hian Semi Final-ah Dinthar Branch chu 3-0 a hnehin Dawrpui Vengthar Branch in Luangmual Branch chu 3-0 bawkin an hneh a ni.