Damdawi zawrh phalna tihtawp sak an tam

Mizoram sawrkar chuan kum 2 leh thla 8 kalta chhungin damdawi zawrh phalna (License) 173 a titawp a, hemi chhung vek hian license 460 a pe chhuak thung.
Health Department hotute hnen atanga Akashvani News Aizawl thudawn danin, Mizoram sawrkar chuan kum 2 leh thla 8 kalta, December 2023 atanga July 2026 chhung khan chhan hrang hrang vangin damdawi zawrh phalna (license) 176 chu a cancel sak a, heng bakah hian license 157 chu a suspend tawh a; kumin ah thla hmasa thleng khan damdawi zawrh phalna license cancel leh suspend 165 a awm tawh a ni.

Kum 2 leh thla 8 chhung vek hian Mizoram sawrkar chuan damdawi zawrh phalna (license) 460 a pechhuak tawh bawk a; license pekchhuah zingah hian General License 210 awmin a tam ber a ni a. Kum 2024 khan damdawi zawrh phalna license hi 301 pekchhuah niin a tam ber kum a ni a, kumin ah hian license hi 13 pekchhuah a ni tawh bawk. Health Department hotute sawi danin, tun dinhmunah Mizoram-ah damdawi zawrh phalna (license) nei 4142 an awm mek a, heng zinga 2704 hi zawrh phal chin bituk nei, Restricted License nei niin General Retail license 984,Wholesale license 417 leh Mobile license 37 te an ni.