CM hovin Project thlirho

Nimin khan Chief Minister Lalduhoma hovin CM Conference Hall-ah project proposal hrang hrang thlirho a ni a, he hunah hian Adviser to CM, TBC. Lalvenchhunga bakah Planning leh Finance-a Official te telin Central Scheme PM-DevINE, NESIDS (Road), NESIDS (OTRI) leh NEC hmanga thawh tura an project proposal-te chu department pasarih- PWD, P&E, UD&PA, C&I, PHE, H&FW leh I&WRD ten sawifiahin an project proposal-te an ngaihpawimawh dan indawt an thlen nghal zel bawk a ni. He hunah hian Chief Minister chuan kan allocation neih zat tur kan la hre lo deuh tih sawiin, “Kan hriat veleh a kan thawh nghal tur project lo neih lawk a, kan ngaihpawimawh dan indawt lo siamsa a tul,” a ti a. Department ten Mizoram hmasawnna tur project tha tak tak an neih thin avangin an chungah lawmthu a sawi bawk.