MRI khawl bun belh dawn
Nizan hmasa khan Social Media kaltlanga thuchhuah a siamah Health Minister Lalrinpuii chuan, “Sawrkar laipui chuan kan dilna te ngaipawimawh in 1.5T MRI khawl min pe dawn ta,” a ti a. Khawl inpekna tura MoU chu Health Commissioner & Secretary K. Lalrinzuali leh MoHFW-a Additional Secretary Aradhana Patnaik-i te chuan Delhi-ah ziak tih a sawi bawk.
Health Minister sawi dan chuan, MRI khawl thar tur rual hian Digital Mammography Tomosynthesis khawl pakhat leh Hand Held X-Ray khawl 18 chu sawrkar laipui chuan Mizoram a pe tel dawn bawk tih a sawi a. Civil Hospital, Aizawl-ah MRI khawl thar tha tak mai bun zawh hnu lawkah Civil Hospital, Lunglei tana MRI khawl an bun leh thei tur chu lawmawm a tih thu pawh a sawi bawk a ni.