IOCL in Revised Retail Selling Price a tih-chhuah angin Mizoram-ah eirawngbawlna Gas man bithliah thar a ni. Hemi chungchanga Food, Civil Supplies & Consumer Affairs thuchhuah tarlan danin Vairengte tihloh Mizoram hmun dang zawngah chuan eirawngbawlna Gas kg. 14.2-a rit Domestic cylinder man chu pakhat zelah Rs. 1094/- a ni anga, kg. 19-a rit Commercial (packed) chu Rs. 3425.50; kg. 19-a rit Xtra TeJ chu Rs. 3448/- leh kg. 10-a rit Composit chu Rs. 787/- a ni ang. Eirawngbawlna Gas man bithliah thar ah hian domestic cylinder-ah chuan Home delivery kalpuina ah chuan bur khat zelah Rs. 70/- belh tur niin Godown-a hralh anih erawh chuan Rs. 33.43 zel paih thung tur a ni a. Home Delivery a kalpui thei ngang lo Veng, Point Delivery kalpuina ah chuan Rs.7.53 belh zel tur a ni bawk ang. LPG Home delivery-a semah hian kg. 10-a rit cylinders sem tel a nih chuan bur khat zelah Rs. 70/- belh tur a ni a, kg. 5-a rit cylinder sem tel a nih chuan bur khat ah Rs.20/- belh tur a ni bawk ang. Hetihlai hian tunhnaiah Serchhip-ah eirawngbawlna Gas a rawn thleng tha lutuk lo nia hriat a ni.
