Dik leh fel takin kalpui tih sawi

Zonuna Kawlni (LENKAWL) • July 7, 2026 • Comments • Mizoram

Chief Electoral Officer (CEO) Mizoram Garima Gupta-i chuan Mizoram-a Special Intensive Revision (SIR) tih zawh tak chu dik leh fel taka kalpui a nih thu thuthar thehdarhtute a kawmna ah zawhna chhangin a sawi a. Tunhnaia Mizo Zirlai Pawl (MZP)-in Mizoram chhim lama Chakma tamna khuaah te kum 2005 leh kumin 2026 Electoral Roll khaikhinin vote zaa 121 zetin a pung nia an sawi chungchanga zawhna chhangin, Special Intensive Revision (SIR) tih zawh taka an data atangin vote nei pung hluai a awm lo tih a sawi a. MZP-in ramdangmi (foreigner) te SIR a thun an hlauhthawn thu leh Electoral Roll ennawn tha leh tura ngenna an thehluh chungchanga zawhna pawh chhangin, MZP ngenna thehluh chu DEO te an bawhzui tir a, SIR 2026-ah hian ramdangmi ziahluh an awm lo tih a sawi a. SIR kalpuina ah hian sawrkar official te bakah Political Party aiawhte an tel ve bawk tih sawiin, dik leh fel taka kalpui a nih thu a sawi a ni.