Bangalore-a Mizote kawm

Bangalore-a zin mek Mizoram Assembly Speaker Lalbiakzama chu niminpiah khan Bangalore-a Mizo Association hruaitute leh Mizo Students Association hruaituten a thlenna ah kawmin thu pawimawh hrang hrang an sawiho a. Mizo hruaitute hian Bangalore-a Mizo zirlai zir zel duhte tan leh zir zo tawhte an kal zelna tur atana pawimawh nia an ngaihte an lo thlen bakah Mizo mipuite tana Bangalore-a zirna leh hna zawnna lama thil pawimawh nia an ngaihte an thlen a. Assembly Speaker hian Association leh zirlai pawlte thu thlen hi ngun taka ngaihthlaksakin a tul ang zela hma lakpui a huam thu a lo hrilh a ni.