ACB thubuai ziahluh zingah CADC-a thubuai a tam

Kum 2010-2026 chhunga Anti Corruption Bureau (ACB) in Departments leh Organisation zinga eirukna thubuai a ziahluh ah Chakma Autonomous District Council (CADC) atangin thubuai ziahluh a tam ber.

Anti-Corruption Bureau (ACB), Mizoram-in tunhnaia Annual Report a tihchhuah-a a lan danin CADC atangin kum 2010-2026 chhungin thubuai 11 ziahluh a ni a, Village Council-in dawtin thubuai 9 ziahluh a ni bawk a, Public Works Department (PWD) atangin thubuai 6 ziahluh a awm bakah Lai Autonomous District Council (LADC) leh Rural Development Department-te pawhin thubuai 5 ve ve an nei a ni. ACB report in a tarlan danin heng thubuai-te hi eirukna, mawhphurhna hmansual, sum enkawlna dik loh (Financial Irregularities), kalphung leh dan zawm loh (procedural violations) leh thil diklo dangte chungchangah a ni.

Kum 2010 atanga kum 2026 chhung khan ACB hian mi 112 thiamloh a chan tir tawh a, heng zingah hian IAS Officer-te, Engineer, VC Member-te, Autonomous District Council, Bank Official, Sawrkar Zirtirtu leh Treasury Official bakah sawrkar hnathawk lai leh Pension tawh te an tel a, nikum 2025 leh kumin 2026 chhungin ACB hian complain 17 an dawng tawh bawk a, heng zinga 15 chu an Jurisdiction huam-chhunga mi niin bawhzui nghal an ni bawk.