Serchhip Police te chuan nizan hmasa khan Serchhip District-a rawn lakluh tur Rakzu litre 800 zet manin hemi kaihhnawih ah hian mi pahnih man an ni. Serchhip Police te hian nizan hmasa khan Sailiam Police Check Post-a Serchhip-a lut tur lirthei an enfiahna ah Bolero Camper pakhat atangin heng Rakzu te hi an man a, Rakzu man te hi litre 20 dawng plastic-a dah bur 20 bakah Polythene lian a pack 40 Satha Ip 17-a dah te a ni a, heng Rakzu te hi Phunchawng atanga Serchhip District a zawrh tura rawn lak niin a vaiin cheng nuai li (4) man vel nia chhut a ni. Heng Rakzu kaihhnawih ah hian Lalpekkima (33), Phunchawng Aizawl nia insawi leh Vanlalremtluanga (38), Darnam Veng, Serchhip nia insawi te pawh manin MLP Act 2019 hnuaiah thubuai siam sak nghal an ni.
