Special Intensive Revision (SIR) of Electoral Rolls 2026 kalpui mekah Mizoram chuan Enumeration Form fill-up te digitised kawngah hma hruai mekin Serchhip District pawhin hma a sawn zel a. Mizoram hian Vote nei atanga chhutin za zela 72.41 digitised zo tawhin Manipur leh Odisha ten an dawt a, State dang nena khaikhinin Mizoram hian a titha fal hle a ni. Mizoram-ah vote thlak thei mi 8,75,068 awm mekin Enumeration Form Digitise tawh 6,33,675 a awm a, hei hi vote nei zawng zawng atanga chhutin 72.41% a ni a. District hrang hrang zingah Khawzawl District chuan hma hruaiin Enumeration Form hi 97.09% an digitise tawh a, Champhai District leh Serchhip District in dawt in za zela 93.66 leh za zela 93.30 an zo tawh bawk a ni.
