Union Sports Secretary kawm

Zonuna Kawlni /

New Delhi-a cham mek Sports Minister Lalnghinglova Hmar chuan niminpiah tlai khan Ministry of Youth Affairs and Sports-a Secretary Hari Ranjan Rao chu kawmin Mizoram a Sports hmasawnna tur, a bikin Hockey chungchanga hmalak dan tur an sawidun.

Sports Authority of India Headquarters, New Delhi-a an inkawmna ah hian Sports Minister Lalnghinglova Hmar chuan Mizote game thiam chi ni si, tunhnaia kan khelh tam tawh loh Hockey chu India tana International Medal lak theihna kawng hnai a nih thu sawiin, “Thenzawl-a Hmeichhe Hockey zirna kan neih hi kan thatpui em em a, hetiang Model hian Mipa tana Hockey zirna siam kan duh a ni,” a ti. Hei bakah hian Sports Minister chuan Empowering Mizoram Sports hnuaia discipline pali - Hockey, Badminton, Archery leh Wrestling-ah te SAI Training Centre din belh theih dan ngaihtuah ni se tiin rawtna a siam bawk.

He hunah hian Ministry of Youth Affairs and Sports-a Secretary leh Director General of SAI ni bawk Hari Ranjan Rao chuan Hockey tihhmasawnna kawngah theihtawp chhuah a nih tur thu leh, infrastructure awm sa hmang tangkaia a zirna changtlung zawk siam theih dan an lo zirchian tur thu a sawi a, India sawrkar pawhin Hockey chu a ngaih pawimawh thu a sawi bawk a. “Mizoram in Sports hmasawnna tur hmathlir (vision) fel tak in nei a, hemi bawhzuia in kal chuan Mizoram hian India Sports hmasawn zelnaah dinhmun pawimawh in luah thei ang,” tiin India huap inelnaah chet that chhoh zel a tul thu a sawi bawk.

Sports Secretary hian tunhnaia Badminton lama Mizoram hmasawnna a lo hriat thu leh lawmawm a tih thu a sawi a, Football-a Mizote hlawhtlinna chu Sports dangah pawh thil tih theih a nih a rin thu a sawi a, Khelo India Accredited Training Center ni tura Mizorama sports zirna kalpuina hrang hrang chu her rem tha a tih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »