Union Minister in Champhai District a tlawh

Zonuna Kawlni /

Union Minister of State for Housing & Urban Affairs Tokhan Sahu chuan nimin khan Champhai tlawhin sawrkar hotute nen Champhai Circuit House-ah an inkawm.
 He inkawmna ah hian Union Minister Tokhan Sahu chuan Champhai hmun mawi tak a rawn thleng thei leh hetiang hun tha leh hlimawm an lo buatsaih chu lawmawm a tih thu sawiin, inpumkhatna pawimawh zia a sawi a. “India ramah hian hman atang tawhin inpumkhatna pawimawh zia kan sawi tawh a, kan hnam leh nihna hi hluta hrechiang chunga India ram mi dang te nena inpumkhatna kan vawn a nghai a ni,” a ti a. Sawrkar laipui in North East a ngaih pawimawh thu leh hmalakna hrang hrang a awm thu sawiin, hna pawh thahnem tak thawh tawh a nih thu a sawi a, One India siam chu an tum ber a ni tih sawiin, Prime Minister thiltum a hlawhtlin theih nan sawrkar hnathawkte chu tha taka thawk turin a sawm a, mipui pawn he One India - India inpumkhatna siam thei turin tan la zel turin a chah bawk.

He hun hi Champhai Addl. DC Lalbiakfela chuan kaihruaiin Programme zawh hian Union Minister Tokhan Sahu chuan Pradhan Mantri Awas Yojana - Urban (PMAY-U) leh Deendayal Antyodaya Yojana - National Urban Livelihood Mission (DAY-NULM) hnuaia hamthatna dawngtute a kawm nghal bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

June 18-ah Mizoram Rajya Sabha MP thlanna neih a ni dawn

Zonuna Kawlni /
Image
Mizoram in Rajya Sabha-a Seat pakhat a neih luah tur thlanna chu June 18, 2026 khian neih a ni dawn a, hemi ni hian State 10-a Rajya Sabha MP tur mi 24 thlanna neih a ni dawn a ni. Mizoram hian Rajya Sabha-ah Seat pakhat nei mekin tuna Rajya Sabha MP nilai K. Vanlalvena hun hi July 19, 2026-ah a tawp dawn a. He inthlanna chuh tumte tan hian June 8, 2026 thlengin hming pekluh theih a ni ang.
Kimchang zawkin »