Pension tawh rawih nawn leh lawmawm an tih thu an sawi

Mizoram Tourism Service Association (MTSA) leh Tourism Staff Welfare Association (TSWA) chuan sawrkar in April 30, 2026-a pension-a chhuak R. Lalrodingi a ruai (re-employ) nawn chu lawmawm an tih thu an sawi.

Hemi chungchanga thuchhuah an siamah MTSA leh TSWA chuan an Director ni lai R. Lalrodingi chu North Eastern Council (NEC)-ah hun rei tak Tourism Adviser hna lo thawk tawh a ni tih tarlangin, “Tourism Department chuan kawng hrang hrangin nasa takin hma a sawn phah in a hlawkpui takzet a ni. Central leh State Sawrkar ah te pawh hetiang a mi bikte hi chu rawihnawn an ni fo thin,” tiin Sawrkarah an Director nilai chu rawih nawn a nih theihna atan nasa taka an ngen thu an sawi a, “Kan ngenna te sawrkarin ngai pawimawhin min tihhlawhtlin sak a ni,” tiin an Officer-ten Qualifying Service an neih hma atana May 1, 2026 atanga Director nilai R. Lalrodingi re-employ tura tih a lo ni ta chu lawmawm an tih thu an sawi a ni.

April 24, 2026 khan DP&AR chuan thuchhuah siamin R. Lalrodingi hi May 1, 2026 atangin OSD to CM leh Tourism Director atan rawih nawn a nih thu an tarlang a, hei hi MZP te chuan duh lovin May 14, 2026 ralhma ngeia sut leh turin sawrkar chu an ngen thung a ni.