Nikum-ah mitthi 8,080 leh nau piang 21,873 an awm

Zonuna Kawlni /

Nikum 2025 chhung khan Mizoram-ah mitthi 8,080 an awm nia chhinchhiah a ni a, heng zinga 5,183 te chu mipa niin hei hi mitthi zawng zawng atanga chhutin za zela 64.14 (64.14%) a tling a. Hetihlai hian nikum chhung vek khan Mizoram-ah naupiang 21,873 an awm bawk.

Mizoram sawrkar Economic & Statistics Department report a tarlan a nih danin, nikum (2025) chhung khan Mizoram-ah mitthi chhinchhiah 8,080 awmin a zinga mi 5,183 (64.14%) te chu mipa an nih lai hian, hmeichhia 2,897 (35.58%) an awm bawk a. Mitthi awm tam ber thla chu January 2025 niin, hemi thla ah hian mitthi mipa 480 leh hmeichhia 255, an vaiin mi 735 an awm a. Mitthi awm tlem ber thla chu November 2025 niin hemi thla-ah hian mitthi 607 an awm a, chung mite chu mipa 399 leh hmeichhia 208 an ni.

Nikum chhunga Mizoram-a mitthi 8,080 an awm lai hian nikum chhung vek khan naupiang 21,873 an awm a, heng zinga 11,076 te chu mipa niin hei hi nau piang zawng awng atanga chhutin 50.63% a ni a, midang 10,797 chu hmeichhia niin hei hi nau piang zawng zawng atanga chhutin 49.36% a ni bawk. October 2025 chu nau piang tam ber thla niin, mipa 1,109 leh hmeichhia 1,040 an vaiin 2,149 naupiang an awm a. Naupiang tlem ber thla chu June 2025 niin hemi thla hian nau piang 1,400 an awm a, chung mite chu mipa 706 leh hmeichhia 694 an ni. Data atanga a lan danin, nikum 2025 chhung khan thla tin mitthi 673 awm ziah ang a nih laiin, thla tin naupiang 1,822 awm ziah ang a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »