Serchhip-ah Addl. District & Sessions Judge-II thu tan ta

Zonuna Kawlni /

Nikum September 19-a Serchhip District Court-a Additional District & Sessions Judge Circuit Court hawn a nih hnuah a tum khatna atan tun thla ni 7 leh 8 khan Serchhip hmuhah Judge rawn thuin thubuai ngaihtuah a ni.
 Serchhip District Court-ah hian nikum September 19 khan Chief Minister Lalduhoma chuan Additional District & Sessions Judge Circuit Court hawngin Additional District & Sessions Judge-II, Aizawl ni mek Julie Lalrinzami chu Judge tura ruat a ni a. Hetianga Circuit Court hawn a nih hnu hian a hma lama Serchhip-a ngaihtuah theih loh thubuai lian- Ruihhlo kaihhnawih, pawngsual leh POCSO Act bawhchhiatna te chu ngaihtuah theih a ni ta a, amaherawh chu hmunhma te a that tawk loh avangin Video Conferencing hmangin heng thu-buai kaihhnawih te hi ngaihtuah thin a ni.

Hetianga thubuai ngaihtuah thin a nih hnuah hian tun thla ni 7 leh 8 khan Serchhip-ah hian Additional District & Sessions Judge-II, Julie Lalrinzami chu Serchhip-ah hian rawn kalin thubuai te hi ngaihtuah tan a ni ta a, ruahman lawk dan chuan thla tin Serchhip District Court-ah hian Additional District & Sessions Judge-II hi rawn thuin thubuai lian hrang hrangte hi ngaihtuah a ni tawh dawn a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »