Minister hovin WCD-PMKSY 2.0 Conference hmang

Zonuna Kawlni /

Watershed Development Component-Pradhan Mantri Krishi Sinchayee Yojana 2.0 (WCD-PMKSY 2.0) Conference chu nimin khan Aijal Club-ah neih a ni a, Rural Development and Administration Department changtu Minister Prof. Lalnilawma chuan khuallian niin a hmanpui a ni.

    Nimin-a he hun hman ah hian RD&AD Minister Prof. Lalnilawma chuan PMKSY 2.0 chu September thla thleng pawhsei a nih thu sawiin, a tawp tha taka an khar theih nan Officer leh staff te tan la tur leh an hmabak PMKSY 3.0 pawh mipui leh ram tana rotling thlentu a nih theih nan uluk lehzuala rilru seng turin a fuih a. Sawrkar hmalakna ten rah tha zawk an chhuah theih nan Department dangte nena thawhho a pawimawh thu sawiin, Department chhunga Scheme hrang hrang an thawk a nih pawhin sawt zawka hna thawk thei turin Department dangte nena thawhhona, Convergence felfai taka neih a pawimawh thu a sawi a. PMKSY chu kan ram tui hna tihpun nan te, chhiatrupna thleng thei laka kan him zawk nan pawh a pawimawh thu a sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »