JJM 2.0 kalpui turin sawrkar laipui nen MoU ziak

Mizoram sawrkar leh Ministry of Jal Shakti, Department of Drinking Water & Sanitation chuan Jal Jeevan Mission (JJM) 2.0 kalpuina tura inremna (Memorandum of Settlement) chu nimin khan New Delhi-ah an ziak.

Jal Jeevan Mission (JJM) 2.0 kalpuina tura inremna (Memorandum of Settlement)-ah hian Mizoram sawrkar aiawhin Secretary to the Government of Mizoram Zodingpuii IAS chuan a hming ziakin Department of Drinking Water & Sanitation, Government of India aiawhin Swati Meena Naik, Joint Secretary chuan hming a ziak thung a. He hun hi Union Minister of Jal Shakti CR Paatil chuan Online hmanga telpuiin Aizawl atangin Chief Minister Lalduhoma leh PHE Minister Prof. Lalnilawma bakah PHE Officials ten Online-in an zawm bawk a ni.

He hunah hian Chief Minister Lalduhoma chuan Mizoram chu India rama JJM zaa za tihlawhtling hmasa ber State zinga mi a nih thu leh chhungkaw 133,060 te chu Functional Tap Water Connection an pek tawh thu leh Thingtlang-a School leh Anganwadi Centre zawng zawngte Functional Tap Water Connection pek vek an nih tawh thu pawh a sawi a. “Water Supply Scheme 852 sanction kan hmuh atangin 849 chu Physical Work kan thawk zo tawh a. Physical Work hi za zela 99 thawk zo tawh ang kan ni. Water Testing Laboratory hi 28 kan nei tawh bawk. JJM 2.0 atana inremna kan ziak thei hi kan lawm hle a. Nasa takin kan tangkaipui dawn a, Viksit Bharat tihhlawhtlinna pawimawh tak a ni dawn a ni,” a ti a. Chutihrualin, JJM kalpui tawhte a Central share, December 2024 atanga la rawn release loh chu a rang lama release turin a ngen bawk.