Government Online Excellence Awards, 2025 sem a ni

Zonuna Kawlni /

Mizoram sawrkar hnuaia Department hrang hrang leh zirna In te tana buatsaih ‘Government Online Excellence Awards, 2025’ chu nimin khan Taxation Auditorium-ah semchhuah a ni.

Information, Communication & Technology (ICT) Department buatsaih he Award semna hun hi ICT Miniter Dr. Vanlalthlana chuan hmanpuiin Innovation leh mipui rawngbawlna lama official te thawhrah lawmna hun pawimawh tak an hmang thei chu lawmawm a tih thu a sawi a. IT hmasawnna avanga mipuiin awlsam zawka Tui, Electric leh Phone bill te an pek theih tawh thu sawiin, mipuite awlsamna tura Online service pekchhuah kawngah an huang zauh zel turin kalkhawmte a chah a. ICT hmalaknain Mizoram-ah Artificial Intelligence Center of Excellence (AI-CoE) din tura proposal siam a nih tawh thu leh District zawng zawnga Mobile/Internet connectivity tha a awm theih nan Mizoram Fibre Grid Network thawh mek a nih thu a sawi bawk.

He hunah hian ICT Secretary Dr. YLN Reddy IAS chuan inlawmna thu sawiin, ICT Minister hmalakna hnuaiah Mizoram chu ‘Digitally Empowered’ State-ah a chang mek tih a sawi a, “Sawrkar Department leh Office-ten IT an hman tangkai chho mek hi a lawmawm hle a ni,” a ti. 

Government Online Excellence Awards dawngtu tur thlangtu Selection Committee leh Technical Evaluation Committee te siam niin Official Departmental Website-ah Website 160 endik niin Educational Institution Website atan hian Website 50 endik an ni a. Official Department Website-ah Personnel & Administrative Reforms chu pakhatna niin Land Revenue & Settlement leh Mizoram Information Commission ten an dawt a. Educational Institution Website-ah Govt. Hrangbana College chu pakhatna niin Govt. J. Buana College, Lunglei leh Govt. Aizawl College ten an dawt a. A tha zual thlanchhuah 10 te hnenah lawmman hi hlan an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »